ویب ڈیسک:آئی ایم ایف نےایک وپیہ بجلی ٹیرف میں کمی کی اجازت دیدی،ایک روپیہ کا ریلیف بجلی یونٹ پر بنیادی ٹیرف کی مد میں دیا جائے گا۔

تمام صارفین کو بجلی کی قیمتوں میں ایک روپے یونٹ ریلیف ملے گا، یہ ریلیف کیپٹیو پاور پلانٹس پر لیوی سے حاصل ریونیو سے دیا جائیگا،کیپٹیو پاور پلانٹس کی جانب سے گیس کے استعمال پر لیوی عائد کی گئی ہے۔

حکومت کیجانب سے بجلی صارفین کیلئے ریلیف پیکیج پر بھی کام جاری ہے، آئی ایم ایف کیساتھ ورکنگ منظوری سے پیکیج کا اعلان کیا جائے گا،گذشتہ روز پاکستان اور آئی ایم ایف کے درمیان مذاکرات کامیاب ہونے کے بعد سٹاف لیول معاہدہ طے پا گیا تھا۔

 معاہدے کی حتمی منظوری آئی ایم ایف کا بورڈ دیگا،معاہدے کے مطابق موسمیاتی تبدیلیوں سے نمٹنے کیلئے پاکستان کو 1.3 ارب ڈالر ملیں گے، مجموعی قرض کی رقم 2 ارب ڈالر ہو جائے گی۔